विराटनगर । प्रेस चौतारी नेपालको आगामी नयाँ नेतृत्व चुनावी प्रकृयाबाट गर्न मतदानको माग गर्दै प्रतिनिधिहरुले हस्ताक्ष्यर अभियान सुरु गरेका छन् ।
आजबाट विराटनगरमा सुरु भएको १० औँ महाधिवेशनमा पार्टीका नेताहरुले सहमतिमै नेतृत्व चयन गर्न निर्देशन तथा दबाव दिए पछि प्रतिनिधिहरुले अधिवेशन स्थलमा हस्ताक्ष्यर अभियान सुरु गरेका हुन ।
महाधिवेशन स्थलमा सार्वजनिक रुपमा फलेक्स प्रिन्ट गरी हस्ताक्ष्यर सुरु गरिएको हो । निर्वाचनको पक्षमा हस्ताक्ष्यर अभियान लेखिएको फ्लेक्स प्रिन्टमा प्रतिनिधिहरुले धमाधम हस्ताक्ष्यर गरेका छन् ।
पार्टी नेतृत्वले हालका उपाध्यक्ष गणेश पाण्डेलाई अध्यक्ष बनाउन निर्देशन दिएपछि अधिवेसन स्थलमा उपस्थित प्रतिनिधिहरुले मताधिकारको माग गर्दै हस्ताक्ष्यर सुरु गरेका हुन ।
अर्का उपाध्यक्ष राजेश राईले अध्यक्षमा दावेदारी दिँदै आएका छन् । उनको दावेदारीलाई समर्थन गर्दै प्रतिनिधिहरुले हस्ताक्ष्यर अभियान नै सुरु गरेका हुन ।
उपाध्यक्ष द्धय राई र पाण्डे अध्यक्षका दावेदार हुँदा प्रतिनिधिहरु पनि विभाजित भएका छन् । टाढा टाढा बाट आएका प्रतिनिधिहरुले मताधिकार प्रयोग गर्न पाउनुपर्ने माग राखेका छन् ।
