विराटनगर । जीवन विकास समाजले “दिगो विकासका लागि जीवन विकास पुरस्कार –२०८१ “ बाट पोखरीया माध्यमिक विद्यालयलाई पुरस्कृत गरेको छ । देशभर कै उत्कृष्ट शिक्षा क्षेत्रमा काम गरेको भन्दै विद्यालयलाई पुरस्कृत गरेको हो । विराटनगर महानगरपालिका ३ मा रहेको विद्यालयलाई सार्वजनिक विद्यालय तर्फबाट प्रथम पुरस्कार ५ पाँच लाख प्राप्त गरेको हो । त्यस्तै जनज्योति मावि सिन्धुलीलाई पनि सोही पुरस्कार प्रदान गरिएको छ। नगद ३ लाखको पुरस्कार विद्यालयले प्राप्त गरेको हो । विद्यालय शिक्षाको गुणस्तर सुधारमा काम गरेकोमा विद्यालयसँगै पत्रकारलाई पनि नगद पुरस्कार प्रदान गरेको छ। पत्रकार प्रकृति अधिकारीलाई एक लाख नगद सहितको पत्रकारिताको क्षेत्रबाट गुणस्तरीय शिक्षामा पु¥याएको भन्दै सम्मान गरेको हो । पुरस्कार वितरण गर्दै पूर्व राष्ट्रपति विद्यादेवी भण्डारीले सबै नागरिकलाई गुणस्तरीय शिक्षा प्रदान सरकारी लक्ष्य हासिल गर्न यस क्षेत्रसँग सरोकार राख्ने सबैसँग सहकार्य हुनुपर्ने बताइन् ।
