विराटनगर । सेन्ट्रल प्लाजामा भएको आगलागीमा अड्किएका नागरिकको उद्धार गर्न नेपाली सेनाको हेलिकोप्टरले उद्धार गरेको छ । काठमाण्डौँबाट आएको नेपाली सेनाको हेलिकप्टरले सेन्टर प्लाजाको छतमा अड्किएका व्यक्तिहरुलाई उद्धार गरी नेपाली सेनाको पूर्वी पृतना व्यारेकमा लगेको छ ।
इटहरीको मुख्य चोकमा रहेको सेन्ट्रल प्लाजामा लागेको आगो नियन्त्रणमा आउन नसकेपछि त्यहाँ अड्किएका ३ जनाको उद्दारकालागि नेपाली सेनाको हेलिकोप्टर मगाइएको हो ।
अहिले नेपाली सेनाको हेलिकोप्टरबाट उनीहरूको उद्धारको प्रयास भइरहेको छ । आन्तरिक मामिला तथा कानुन मन्त्री रेवती रमण भण्डारीले आगलागी भएपछि छतमा अड्किएकाहरूको उद्दारकोलागि हेलिकोप्टरबाट उद्धारको प्रयास जारी रहेको बताए ।
प्रदेश सरकारको आग्रहमा गृह मन्त्रालयले उद्दारकोलागि हेलिकोप्टर पठाएकोले अब उनीहरूको उद्धार जारी रहेको भण्डारीले बताए । अहिलेसम्म छतमा ३ जना अड्किएको र अरू ८ जनाको उद्धार भएको प्रहरीले जनाएको छ । छतमा अरू कति जना छन् भन्ने यकिन नभएको उनले बताए ।
