विराटनगर । कोशी प्रदेशका मुख्यमन्त्री हिक्मतकुमार कार्कीले नेपाल टेलिकमले गुणस्तरीय सेवा विस्तार गर्नुपर्ने बताउनु भएको छ ।
नेपाल टेलिकम कर्मचारी संगठनको प्रदेश अधिवेशनलाई सम्बोधन गर्दै मुख्यमन्त्री कार्कीले अन्य टेलिकम कम्पनी भन्दा नेपाल टेलिकमलाई सशक्त रुपमा अगाडि बढाउन प्रदेश सरकार सहयोग गर्न तयार रहेको बताउनु भयो ।
सार्वजनिक मञ्चहरूमा मुख्यमन्त्री कार्कीले बोल्दै आउनु भएको “केन्द्रीकृत सत्ताको मानसिकताका कारण प्रदेश प्रती नकारात्मक धारणा सिर्जना भएको” यो कार्यक्रममा पनि व्यक्त गर्नुभयो ।
प्रदेश सरकारले गरेका कामहरुको प्रचार प्रसार गर्न र प्रदेश प्रतिको नकारात्मक धारणा परिवर्तन गर्न सबै पक्ष लाग्नुपर्नेमा मुख्यमन्त्री कार्कीले जोड दिनुभयो ।
