विराटनगर । नेकपा एकीकृत समाजवादी मोरङमा नेतृत्व चयनमा सकस देखिएको छ । मङ्गलवार वाट सुरु भएको नवौँ जिल्ला अधिवेशनमा अध्यक्षमा तीन जनको दाबी रहेको छ । तीनै जनाले अध्यक्ष नछाड्ने अडान लिएपछि नेतृत्व छनौटमा सकस देखिएको हो । अध्यक्षका लागि आयोजक कमिटिका संयोजक चन्द्रवीर राई, सह संयोजक उद्धव पोख्रेले र दीपक ढकालले अध्यक्षको आकाङ्क्षा देखाएका छन् ।
यस्तै उपाध्यक्षमा डिल्ली थापा, भूपाल बस्नेत, वीरेन्द्र यादव, राजेन्द्र सुवेदी र विन्दुकला राईले इच्छा जायर गरेका छन् । सचिवमा प्रेमराज भारती, कविराज घिमिरे, तुलसी ढकालले आकाङ्क्षा देखाएका छन् । एकीकृत समाजवादीको मोरङ
उपसचिव बन्न भवानी धमला र राज्यलक्ष्मी कटुवालले लविङ्ग गरिरहेका छन् । अधिवेशनको माधव नेपालले उद्घाटन गरेका थिए । अधिवेशनमा अहिले बन्द सत्र चलिरहेको छ । हिजो राती अबेर सम्ममा बन्द सत्रले राजनीतिक, साङ्गठनिक तथा आर्थिक प्रतिवेदन पारित गरेको छ ।
अधिवेशनको बन्द सत्रमा अधिवेशन आयोजक कमिटीका संयोजक चन्द्रवीर राईले राजनीतिक तथा साङ्गठनिक प्रतिवेदन प्रस्तुत गरेका थिए । बिहीबार बिहान नेतृत्व चयन भई अधिवेशन समापन हुने कार्यतालिका रहेको छ ।
एकीकृत समाजवादीका नेता महेश रेग्मीले नेतृत्वमा आकङ्क्षी धेरै भए पनि सर्वसम्मत नेतृत्व चयनको प्रयास भइरहेको बताए । उनले भने, बिहीबार सम्म सकेसम्म सर्वसम्मत नेतृत्व चयन हुनेछ ।
