विराटनगर । विराटनगरमा रहेको सत्कार होटल एन्ड टुरिजम स्कुलले फेयरवेल कार्यक्रम सम्पन्न गरेको छ । विराटनगरमा एक कार्यक्रमको आयोजना गरी स्कुलले आफ्ना कक्षा ११ का विद्यार्थीहरुलाई स्वागत तथा कक्षा १२ का विद्यार्थीहरूलाई बिदाइ गरेको हो। कार्यक्रममा सास्थम कलेजका डाइरेक्टर एवम् अध्यक्ष समेत रहेका कार्यक्रमका प्रमुख अतिथि रोशन थापाले कक्षा १२ का विभिन्न विधाका उत्कृष्ट र अनुशासित विद्यार्थीलाई पुरस्कार वितरण गरे ।
क्रार्यक्रममा उत्कृष्ट बिद्यार्थीहरु लवन रिजाल , धेरै उपस्थित हुने प्रणय कार्की, अनुशासित सोनाक्षी प्रधान र रोमन कुमार चौधरीलाइ मेडल तथा प्रमाणप्रत्र प्रमुख अतिथी थापाले प्रदान गरे । त्यसै गरी हिसान स्पोर्ट्स मीट्मा फुट्बल, कबडडी र फ्री फायरमा उतकृस्ट हुने विद्यार्थीलाई मायाको चिनो, मेडल तथा प्रमाण प्रत्र वितरण गरिएको थियोे ।
पुरस्कार वितरण गर्दै प्रमुख अतिथि थापाले विद्यार्थीले प्लस टु पढेको समयमा अनुशासित र इमान्दारिताका साथ आफ्नो कोर्स पुरा गरेकोमा खुसी ब्यक्त गरे। सोही अवसरमा हिसान स्पोट्र्स् मिटमा उत्कृष्ट प्रदर्शन गर्ने विद्यार्थीलाई मेडल र प्रमाणपत्र प्रदान गरिएको थियो । त्यस्तै कबड्डी प्रतियोगितामा उत्कृष्ट हुने विद्यार्थीहरूलाई समेत मेडल र प्रमाणपत्र प्रदान गरिएको टुरिजम स्कुलनाका प्रिन्सिपल सफलदेव साहले कक्षा ११ का विद्यार्थीलाई स्वागत तथा कक्षा १२ का विद्यार्थीलाई विदाइ गरे ।
शुक्रवार साँझ भएको कार्यक्रममा प्याब्सन मोरङका उपाध्यक्ष विष्णु श्रेष्ठ, सास्थम कलेजका प्रिन्सिपल विनय विष्णु केसी, सास्थम कलेजका क्याम्पस म्यानेजर महेश्वरप्रसाद सिंह लगायतले विद्यार्थीहरूलाई मेडल र प्रमाणपत्र प्रदान गरेका थिए । सहभागीले खेलकुदप्रति विद्यार्थीले देखाएको लगाव र उनीहरूले खेलेको भूमिकाको प्रशंसा गरे । सोही अवसरमा कक्षा १२ मा अध्ययनरत दुई जना विद्यार्थीले आफ्ना अनुभव सुनाएका थिए । विद्यार्थीहरू सोनाक्षी प्रधान र लभन रिजालले कक्षा ११ र १२ सम्म यस स्कुलमा पढ्दा आफूहरूले धेरै कुरा सिकेको अनुभव सुनाए । उनीहरूले भने, ‘हामी यस स्कुलबाट असाध्यै उत्प्रेरित भएका छौँ, धेरै कुरा सिक्न पाएका छौँ आगामी दिनमा सिकेका कुरा कार्यान्वयनमा लिएर जानेछौ ।’
फेयरवेल प्रोग्राममा फुटबल प्रतियोगिता, कबड्डी प्रतियोगिता, फुटसल लगायत विभिन्न खेलहरूमा सहभागी भएका उत्कृष्ट विद्यार्थीलाई सम्मान गरिएको थियो। सत्कार होटल एन्ड टुरिजम स्कुलका विद्यार्थीहरू सहभागी भएको उक्त कार्यक्रममा सास्थम कलेजका शिक्षक विभिन्न फ्याकल्टी प्रमुखहरू लगायतको सहभागिता रहेको स्कुलका संस्थापक राजेश गुरुङले जानकारी दिए। 
यस्ता खालका कार्यक्रमले विद्यार्थीहरूलाई उत्साहित गर्ने तथा प्रतिस्पर्धी बनाउन अभिप्रेरित गर्ने गुरुङले जानकारी दिए । सोही अवसरमा स्कुलका विद्यार्थीहरूले विभिन्न मौलिक नृत्यहरू समेत प्रस्तुत गरेका थिए।
क्रार्यक्रमा गौतम बुद्ध इङलिस बोर्डिङ स्कुल, मनकामना इङ्लिस स्कुल, मेरीगोल्ड इङ्लिस स्कुल लगायतका प्रीन्सिपल तथा प्रतिनिधिहरु, कलेजका सस्थापहरु राजेश गुरुङ, शैलेन्द्र गणेश, रिजन पोखरेल लगायतकाे सहभागीता थियाे ।
