विराटनगर । गृहमन्त्री रमेश लेखकले प्रधानमन्त्री केपी शर्मा ओलीले प्रचण्डसँग भेटेर फोटो खिच्दैमा गठबन्धनका कुनै असर नपर्ने बताए छन् । एमाले र काँग्रेस बीचके गठबन्धनमा कुनै खटपट नरहेको उनले स्पष्ट पारे ।
उनले गर्भनर नियुक्तीका विषयमा पनि कुनै समस्या नभएको बताए । विराटनगरमा सुरक्षा वैठकमा सहभागि हुन आएका गृहमन्त्री लेखकले भने, ‘एमाले र काँग्रेस बीचको सहमतिको आधारमा यो गठबन्धन पूर्ण कार्यकाल चल्नेछ ।’
लेखकले यो सरकार मुलुकमा व्याप्त निराशालाई चिरेर आशाको किरण दिन गठन भएको बताए । उनले भने, ‘हाम्रो सरकार आशा दिने उद्देश्यले स्थापित भएको हो, र यसले जनतालाई आशा जगाइरहेको छ । उनले राजावादी गतिविधिबारे कडा चेतावनी दिए ।
‘उनले संविधान र वर्तमान व्यवस्था विरुद्धका कुनै पनि गतिविधि सह्य नहुने स्पष्ट पारे । उनले नेपाली जनताले संघीयता, लोकतन्त्र र गणतन्त्र जस्ता उत्कृष्ट व्यवस्था स्थापित गर्न दिएको त्याग र बलिदान गरेकाले यो व्यवस्था परिवर्तन नहुने बताए । उनले भने, ‘धेरै नेपालीको बलिदानबाट प्राप्त उपलब्धिलाई उल्ट्याउने र निरंकुशतातिर लैजाने कुनै प्रयास हामी सहन गर्ने छैनौ’, उनले भने अब देश फेरि निरंकुशतातिर लान लागि जनताले पनि चाहादैन्न ।’
गृहमन्त्रीले आजै विराटनगर भन्सार क्षेत्रमा रहेको आपतकालीन गोदामघर कोशी प्रदेश सरकारलाई हस्तान्तरण गरे गृहमन्त्री रमेश लेखकले कोशी प्रदेशका मुख्यमन्त्री हिक्मत कुमार कार्कीलाई चाबी प्रदान गरी गोदाम घर हस्तान्तरण गरेका हुन् ।
विराटनगर भन्सार कार्यालयमा आयोजित कार्यक्रममा गृहमन्त्री लेखकले गोदाम घर हस्तान्तरण मात्र नभई संघीयताको कार्यान्वयनका लागि समेत यो कदम उठाइएको बताए ।
उनले संघीय सरकार संघीयता कार्यान्वयनमा प्रतिबद्ध रहेको उल्लेख गर्दै विपद् व्यवस्थापनमा सहकार्य गरिरहेको जानकारी दिए । उनका अनुसार चाँडै नै शिक्षा विधेयक, निजामती विधेयक, नेपाल प्रहरीसम्बन्धी विधेयकहरू पास गरेर संघीयताको कार्यान्वयनलाई अघि बढाउने तयारी भइरहेको छ ।
कार्यक्रममा कोशी प्रदेशका मुख्यमन्त्री हिक्मत कुमार कार्कीले अहिलेको सरकार गठन भएपछिमात्रै प्रदेशलाई अधिकार हस्तान्तरण हुने प्रक्रिया सुरु भएको बताए ।
मुख्यमन्त्री कार्कीले प्रदेश सरकार संवैधानिक र कानूनीरूपमा अघि बढीरहेको बताए । तर कतिपय कर्मचारीको साँघुरो सोच र ज्ञानको अभावले समस्या भएको समेत मुख्यमन्त्री कार्कीले बताए ।
