विराटनगर । आफ्नै साथीलाई कुटपिट गरी हत्या गर्ने प्रयास गरेको आरोपमा १३ जना बालिका पक्राउ परेका छन् । गत वैशाख ६ गते मिक्लाजुङ गाउँपालिका वडा न. ३ मा रहेको कालिका माध्यमिक विद्यालयमा अध्ययन एक विद्यार्थीमाथि कुटपिट गरी हत्या गर्ने प्रयास गरेको आरोपमा उनीहरूलाई पक्राउ गरिएको जिल्ला प्रहरी कार्यालय मोरङका प्रवक्ता रञ्जनकुमार दाहालले जानकारी दिए । सोही विद्यालयमा पढ्ने वर्ष १४ की बालिकालाई स्कुलमा भएकै समयमा निजलाई सोही ठाउँ बस्ने र सोही विद्यालयमा अध्ययन गर्ने १३ जना बालिकाहरूले सङ्गठित रूपमा कुटपिट गरी भिडियो समेत बनाई सामाजिक सञ्जालमा सम्प्रेषण गरेको आधारमा उनीहरूलाई इलाका प्रहरी कार्यालय उर्लाबारीले पक्राउ गरेको दाहालले जानकारी दिए । घटनामा संलग्न सम्पूर्ण १३ जना बालिकाहरूलाई प्रहरीले पक्राउ गरी मोरङ जिल्ला अदालतबाट ज्यान मार्ने उद्योगमा ५ दिनको म्याद थप गरी अनुसन्धान थालेको हो । सामूहिक घटना भएकोले यस बारेमा गम्भीर रूपमा अनुसन्धान भइरहेको प्रहरीले जनाएको छ। स्कुले बालिकाहरू जोडिएको घटना भएकोले यो घटनालाई बाल संवेदनलिशलताको आधारमा पनि अनुसन्धान भइरहेको जनाइएको छ। गम्भीर सामूहिक घटना भएकोले यस बारेमा गम्भीर रूपमा अनुसन्धान भइरहेको प्रहरीले जनाएको छ। स्कुले बालिकाहरू जोडिएको घटना भएकोले यो घटनालाई बाल संवेदनलिशलताको आधारमा पनि अनुसन्धान भइरहेको जनाइएको छ। गम्भीर घाइते भएकी बालिकाको विर्तामोङ बि एन्ड सी अस्पतालमा उपचार भइरहेको दाहालले बताए ।
