सुनसरी - सुनसरी प्रहरीले बुधबार एकै दिन २२ जना फरार प्रतिवादीहरु पक्राउ गरेको छ । जिल्ला प्रहरी कार्यलय सुनसरीबाट बिशेष टोली गठन गरी फरार प्रतिवादीहरु पक्राउ अभियान अन्तर्गत बुधबार एकै दिन २२ जना फरार प्रतिवादीहरु पक्राउ गर्न सफल भएको प्रहरी नायब उपरिक्षक राजकुमार राईले जानकारी दिए ।
पक्राउ परेकाहरु अदालतबाट बिभिन्न मुद्धामा कैद तथा जरिवाना तोकिएका प्रतिवादीहरु रहेको प्रहरी उपरिक्षक ढकालले बताए । पक्राउ परेका सबैलाई बुधबारनै अदालत समक्ष बुझाइएको छ ।
चालु आर्थिक बर्ष २०७९-८० मा अदालतबाट कैद तथा जरिवाना तोकेका ३ सय ३७ जना विभिन्न मुद्दाका फरार प्रतिवादीहरूलाई पक्राउ गर्न सफल भएको सुनसरी प्रहरी प्रमुख प्रहरी उपरिक्षक प्रभुप्रसाद ढकालले जानकारी दिए । सुनसरी प्रहरीले र फरार प्रतिवादीहरू पक्राउ गर्न बिशेष टोली बनाएर अभियाननै चलाइरुहेको ढकालले बताए ।
