झापा । झापाको मेचीनगर नगरपालिका ५ बाट प्रतिबन्धित लागु औषध ब्राउन सुगर सहित तिन जनालाई प्रहरीले पक्राउ गरेको छ । इलाका प्रहरी कार्यालय नकल बन्दाबाट खटिएको प्रहरी टोलीले भारतबाट नेपाल तर्फ आउँदै गरेका नुवाकोट तार्कश्वतर गाउँपालिका ३ का ३० वर्षीय सविन परियार, सिन्धुली दुधौली नगरपालिका ११ का ३० वर्षीय खड्ग सुनुवार र मेचीनगर ५ का २३ वर्षीय विक्रम दनुवारलाई प्रहरीले पक्राउ गरेको हो । शङ्कास्पद अवस्थामा फेला पारी चेकजाँच गर्दा उनीहरूको साथबाट ७० ग्राम ब्राउन सुगर बरामद भएको प्रहरीले जनाएको छ । पक्राउ परेका उनीहरूको बारेमामा जिल्ला प्रहरी कार्यालय झापाबाट थप अनुसन्धान भइरहेको छ ।
