विराटनगर । झापामा श्रीमानको हत्या आरोपमा एक जनालाई पक्राउ गरेको छ। झापाको कन्काई नगरपालिका–३ की ४५ बर्षीय सुनिता कार्कीलाई श्रीमानको हत्या आरोपमा पक्राउ गरेको हो । सुनिता र उनका श्रीमान् ५३ वर्षीय टेकबहादुर कार्की बिच घरायसी विषयमा विवाद भएको प्रहरीले जनाएको छ । श्रीमतीको कुटपिटबाट घाइते भएका कार्कीलाई उपचारको लागी प्रादेशिक अस्पताल भद्रपुर लगेकोमा उपचार पश्चात् घर ल्याएकोमा वैशाख २४ गते बिहान घरैमा मृत्यु भएको प्रहरीले जनाएको छ । इलाका प्रहरी कार्यालय अनारमनीबाट खटिएको प्रहरी टोलीले सुनिता कार्कीलाई पक्राउ गरी अनुसन्धान थालेको जनाएको छ।
