इटहरी । इटहरी उपमहानगरपालिकाको जनप्रतिनिधि र कर्मचारीको एक टोली दक्षिण कोरिया प्रस्थान गरेको छ । नगरप्रमुख हेमकर्ण पौडेल नेतृत्वमा पाँच सदस्य टोली तालिमको लागि दक्षिण कोरिया गएको हो । नगर प्रमुख पौडेल सहित उपप्रमुख संगीता चौधरी, प्रमुख प्रशासकीय अधिकृत रामचरित्र मेहता, पूर्वाधार विज्ञ अर्जुन दाहाल र वातावरण इन्जिनियर युगदिप लुईटेल टोलीमा सहभागी छन् । टोली यही शनिबार दक्षिण कोरिया प्रस्थान गरेको छ ।
दक्षिण कोरियामा रहँदा पौडेल नेतृत्वको टोलीले इटहरी उपमहानगरका सम्भावनाहरुको बारेमा अनुभव लिने जनाईएको छ। प्रमुख पौडेलले दक्षिण कोरिया जाँदा संघीय तथा स्थानीय सरकारको तर्फबाट कुनै खर्च नहुने जानकारी दिए । दक्षिण कोरियामा रहँदासम्मको अबधिकोलागि कार्यवाहक प्रमुखको जिम्मेवारीमा इटहरी उपमहानगरपालिकाका वडा नमबर ६ का वडा अध्यक्षलाई दिईएको छ। एक हप्तासम्म कोरियामा रहने टोलीले वातावरणसम्बन्धी तालिममा सहभागीमा जनाउने बताईएको छ।
