बिराटनगर । मोरङको बिराटनगर महानगरपालिका ११ पाञ्चाली मोड स्थितबाट स्रोत नखुलेको रकम सहित एक जना पक्राउ परेका छन । पक्राउ पर्नेमा बिराटनगर १५ का ४३ बर्षिय अनिल यादब रहेका छन । कोशी प्रदेश प्रहरी कार्यालय बिराटनगर बाट खटिएको प्रहरी टोलीले बी आर ३३ जेट ९७९६ नम्बरको मोटरसाईकलमा सवार रहेका यादबलाई शंका लागि चेक जाँच गर्ने क्रममा श्रोत नखुलेको रकम बरामद भएको प्रहरीले जनाएको छ । उनको साथबाट स्रोत नखुलेको नेपाली रुपैया ४ लाख ६२ हजार ५ सय बरामद गरेको हो । स्रोत नखुलेको नेपाली रुपैया सहित पक्राउ परेका यादबलाई आवश्यक अनुसन्धान तथा कारवाहीको लागि जिल्ला प्रहरी कार्यालय मोरङमा बुझाईएको छ ।
