पाँचथर । पाँचथरमा भएको सवारी दुर्घटनामा दुई जनाको मृत्यु भएको छ। मेची राजमार्ग अन्तरगत हिलिहाङ गाउँपालिका–७ मा सवारी दुर्घटना हुँदा २ जनाको मृत्यु भएको छ भने २ जना घाइते भएका छन् । मृत्यु हुनेमा स्थानीय कमल सुबेदीको छोरी १२ बर्षीया पुजना सुबेदी र १० बर्षीया गङ्गा सुबेदी रहेका छन् । हेवाखोलाबाट बालुवा बोकेर जोर पोखरी तर्फ जाँदै गरेको मे. १ त २९६१ नम्बरको ट्याक्टरमा चढेर विद्यालय तर्फ जाँदै गरेको अवस्थामा ट्याक्टरबाट लड्दा चक्काले किचेर उनीहरूको मृत्यु भएको प्रहरीले जनाएको छ । घाइते भएका स्थानीय विशाल बराइलीको ११ बर्षीया छोरी रेश्मा बराइली र गणेश अधिकारीको १० बर्षीया छोरी सोनिया अधिकारीको जिल्ला अस्पताल पाँचथरमा उपचार भइरहेको छ । दुर्घटनामा संलग्न ट्याक्टर र चालक कुम्मायक पाँचथरका प्रेम बहादुर कामीलाई जिल्ला प्रहरी कार्यालय पाँचथरले नियन्त्रणमा लिएको जिल्ला प्रहरी कार्यालय पाँचथरले जनाएको छ।
