झापा । झापाको छुट्टा छुट्टै स्थानबाट प्रतिबन्धित लागु औषध ब्राउन सुगर सहित तीन जनालाई प्रहरीले पक्राउ गरेको
छ
। भद्रपुर नगरपालिका–८ भद्रपुर विमान स्थलमा खटिएको सुरक्षा टोलीले चेकजाँचको क्रममा यति एयरको जहाजद्वारा काठमाडौँ जान लागेकी व्यक्तिलाई पक्राउ गरेको हो । कमल गाउँपालिका–७ झापा घर भई काठमाडौँ बस्दै आएकी २६ बर्षीया एन्जल राईले भित्री बस्त्रमा लुकाई राखेको १५ ग्राम २ सय १० मिलिग्राम ब्राउन सुगर सहित पक्राउ गरेको हो । उनी काठमाडौँ जान लागेकी थिइन् ।
इलाका प्रहरी कार्यालय काँकडभिट्टा र लागु औषध नियन्त्रण ब्युरो काँकडभिट्टाबाट खटिएको प्रहरी टोलीले मेचीनगर नगरपालिका–६ मेची पुलबाट बुद्धशान्ती गाउँपालिका–१ का २२ वर्षीय समीर दर्जी, मेचीनगर–१ का २१ वर्षीय दीपेश कुमार राजवंशीलाई १ ग्राम ब्राउन सुगर सहित पक्राउ गरेको हो । प्रतिबन्धित लागु औषध ब्राउन सुगर सहित पक्राउ परेका उनीहरूको सन्दर्भमा थप अनुसन्धान भइरहेको जनाएको छ ।
