इटहरी । इटहरी प्रहरीले अवैध रूपमा ल्याइएको एक ट्रक काठ नियन्त्रणमा लिएको छ । इटहरी १२ खनार मा इटहरीबाट विराटनगर तर्फ जाँदै गरेको ना ४ ख १७४ नं को ट्रक र यसका चालक श्रवण चौधरीलाई प्रहरीले नियन्त्रणमा लिएको हो ।
चेकजाँच गर्दा अवैध रूपमा ट्रकको पछाडि लोड गरी ल्याइएको विभिन्न जातका गोलिया काठहरू फेला पारी रितपूर्वक बरामद सब डिभिजन कार्यालय तरहरामा बुझाएको प्रहरीले जनाएको छ ।
प्रहरीले ट्रक चालक जिल्ला सप्तरी रायपुर ९ घर भई हाल जिल्ला सुनसरी इटहरी १२ बस्ने श्रवण कुमार चौधरी सहितलाई नियन्त्रणमा लिई आवश्यक कारबाहीका वन कार्यालय तरहरा, सुनसरी पठाइएको जनाएको छ ।
