विराटनगर । विराटनगरमा एक दिने नाटक प्रतियोगिता हुने भएको छ। विराटनगर जेसीजको आयोजनामा विद्यालय स्तरिय नाटक प्रतियोगिता विराटनगरको आरोहण गुरुकुलमा आज हुन लागेको हो । विद्यार्थीलाई वातावरण संरक्षण प्रति सचेत गर्ने उद्देश्यले कार्यक्रमको आयोजना गर्न लागिएको विराटनगर जेसीजका अध्यक्ष अविनाश थापाले जानकारी दिए । प्रतियोगितामा प्रथम द्वितीय र तृतीय हुनेलाई नगद १० हजार ७ हजार ५ पाँच सय र ५ हजार नगद सहित पुरस्कृत गरिने अध्यक्ष थापाले बताए । विराटनगर क्षेत्रका विद्यालयको सहभागिता रहने उक्त प्रतियोगिताले नयाँ पुस्तालाई वातावरण संरक्षणमा जोड्नका लागि कार्यक्रम आयोजना गरिएको कार्यक्रम संयोजक सन्देश कोइरालाले जानकारी दिए ।
बिहान १० बजे देखि हुने कार्यक्रममा सहभागीले वातावरण प्रति सचेत हुन सबै लाग्नु पर्ने बताए । कार्यक्रममा सहभागी सबै लाई एक बिरुवा उपलब्ध गराइने र उक्त कार्यका लागि “दिगो विकास “ संस्था सँग समन्वय गरेर कार्यक्रमको आयोजना गरिएको आयोजकले जनाएको छ।
