इटहरी । इटहरीमा तालतलैया च्यालेन्ज कप फुटबल प्रतियोगिता आयोजना हुने भएको छ । सोमबार इटहरीको एरीना फुटसलमा पत्रकार सम्मेलन गर्दै सो प्रतियोगिता बारे जानकारी दिएको हो । आगामी जेष्ठ ३२ गतेबाट इटहरी २ स्थित बुढासुब्बा खेल मैदानमा तालतलैया फुटबल क्लबको आयोजनामा प्रतियोगिता हुन लागेको हो ।
प्रतियोगितामा कोसी प्रदेशका चार जिल्ला सुनसरी, मोरङ, झापा र उदयपुरका १० वटा टिमको सहभागी हुने क्लवका सचिव रोसन भुजेलले जानकारी दिए ।
प्रतियोगितको विजयी टिमलाई ५१ हजार, उप विजेता टिमलाई नगद ३१हजार सहित ट्रफी, मेडल र प्रमाणपत्र प्रदान गरिने क्लबका अध्यक्ष शंकर राईले जानकारी दिए ।
प्रतियोगितामा हरेक खेलको म्यान अफ दि म्याच पुरस्कार, विभिन्न विधामा उत्कृष्ट खेलाडीहरुलाई पुरस्कार प्रदान गरीने आयोजकले जनाएको छ ।
