सुनसरी । पूर्वाञ्चल विश्वविद्यालय सेवा आयोगका अध्यक्ष महेश दाहालमाथि कोलोमोसो दलेको आरोपमा नेपाल विद्यार्थी संघ (नेविसंघ) मोरङका सभापति सरोज पोखरेललाई प्रहरीले पक्राउ गरेको छ ।
सभापति पोखरेललाई सुनसरी र मोरङको प्रहरी टोलीले आज बुढिगंगाबाट पक्राउ गरेको हो । सनुसरीका प्रहरी प्रमुख प्रहरी उपरिक्षक प्रभु प्रसाद ढकालले पोखरेललाई कालोमोसो दलेको घटनामा संलग्न रहेको आरोपमा पक्राउ गरेको बताएका छन् ।
पक्राउ गरेका पोखरेलसँग अन्य संलग्न युवाहरुको बारेमा सोधपुछ भईरहेको उपरिक्षक ढकालले जानकारी दिए । घटनामा संलग्न १०, १५ जनाको टोलीको विषयमा खोजी सुरु भएको र चाँडै पक्राउ हुने पनि उपरिक्षक ढकालले जानकारी दिए ।
पूर्वाञ्चल विश्वविद्यालय सेवा आयोगका अध्यक्ष महेश दाहालमाथि गत सोमबार बिहान ९ः३० बजेतिर कालोमोसो छ्यापिएको थियो । आफुहरुलाई नेपाली कांग्रेसको भातृ संगठन नेविसंघका विद्यार्थी भएको बताएका थिए ।
