विराटनगर । संसदीय पत्रकार मञ्च कोशी प्रदेशको अध्यक्षमा कुमार लुइँटेल चयन भएका छन् । मञ्चको शनिबार सम्पन्न प्रथम अधिवेशनले अध्यक्षमा लुइँटेलसहित नयाँ कार्यसमिति सर्वसम्मत् चयन गरेको हो ।
अध्यक्षमा चयन भएका लुइँटेल यसअघि कार्यसमिति सचिव थिए । समितिको उपाध्यक्षमा गोकुल पराजुली, समावेशी उपाध्यक्ष तारा आचार्य र सचिवमा सुमन सुस्केरा चयन भएका छन् । यसैगरी कोषाध्यक्षमा ध्रुव भट्टराई र सहसचिव विनु तिम्सिना चयन भएकी छिन् । राजु पौडेल, सुजाता लिम्बू, उत्तम पोखरेल, चिना थापा र कृष्ण बहाब कार्यसमितिको सदस्य चयन भएका छन् । प्रदेशसभा, प्रदेश सरकार र स्थानीय सरकार सञ्चालन र गतिविधिको समाचार लेख्दै आएका पत्रकारहरु मञ्चमा आबद्ध छन् । अधिवेशनको कोशी प्रदेशका सभामुख बाबुराम गौतमले उद्घाटन् गरेका गरेका थिए । कार्यक्रममा उपसभामुख सृजना दनुवार, कोशी प्रदेश सभामा सहभागी दलका प्रमुख सचेतक तथा सांसदहरु सहभागी थिए । सोही अबसरमा ४ जना पहिलो कार्यकालका प्रदेश सभा सदस्यलाई सम्मान गरिएको छ। सम्मानित हुनेहरुमा बिमल कार्की, बिष्णु तुम्बाहाम्फे, मोहनकुमार खड्का र सुयर्माराज राई छन् ।
