इटहरी । इटहरीमा सञ्चालनमा रहेको नर्थ पोवाइन्ट माध्यमिक विद्यालयमा यस वर्षदेखि कक्षा ११ मा कम्प्यूटर विज्ञान पढाई शुरु हुने भएको छ ।
नर्थ पोवाइन्टका प्रिन्सिपल राजन दाहालले यस वर्षदेखि कक्षा ११ मा कम्प्यूटर विज्ञान पढाई हुन लागेको जानकारी दिएका हुन् । यसअघि नर्थ पोवाइन्टमा व्यवस्थापन र मानविकी समूहमा मात्रै पढाई हुँदै आएको थियो ।
नर्थ पोवाइन्ट विद्यालयले नयाँ सुविधा सम्पन्न भवनबाट पठन पाठन गर्ने जनाएको छ । विद्यार्थीका लागि आवश्यक आधूनिक कम्प्यूटर ल्याब एवम् पुस्तकालय व्यवस्था गरिएको छ । साथै, कक्षाकोठा पनि एसीसहितका रहेको विद्यालयले जनाएको छ ।
नर्थ पोवाइन्टले अब अध्ययन अध्यापनसँगै समयको माग अनुसार अतिरिक्त क्रियाकलापलाई पनि जोड दिने भएको छ ।।
