विराटनगर । सोलुको लामा जुरामा भएको हेलिकप्टर दुर्घटनामा ५ जनाको मृत्यु भएको छ । एक जना बेपत्ता भएका छन् । सोलुखुम्बुका प्रमुख जिल्ला अधिकारी वसन्तकुमार भट्टराईले हेलिकप्टरमा सवार ५ जनाको लास भेटिएको बताए ।
उनले ५ जनाको मृत्यु भइसकेको जानकारी दिए । एक जनाको भने अझै भेटिएका छैनन् । हेलिकप्टरमा आगो लागेका कारण मृतकको पहिचान खुलेको छैन । मनाङ्ग एयरको हेलिकप्टरमा ५ जना मेक्सिकन यात्रु सवार थिए । लामा जुरामा भएको दुर्घटना स्थल ३६ सय ३४ मिटरको उचाइमा रहेको छ । स्थानीयले बेपत्ताको खोजी गरिरहेका छन् ।
