सुनसरी । विनोद भण्डारीको संयोजकत्वमा १५ सदस्यीय कोसी प्रदेश खेलकुद पत्रकार समूह गठन भएको छ ।
विराटनगरमा मङ्गलवार प्रदेश खेलकुद विकास बोर्ड कोसीका सदस्य सचिव हंसराज वाग्लेको प्रमुख आतिथ्यतामा आयोजित खेलकुद पत्रकारिता अभिमुखीकरण कार्यक्रममा कान्तिपुरका विराटनगर संवाददाता भण्डारीको अध्यक्षतामा १५ सदस्यीय तदर्थ समिति गठन गरिएको हो ।
दुई महिनाभित्र कोसी प्रदेशका १४ वटै जिल्लाका खेल पत्रकारलाई समेटी अधिवेशन गराउने गरी गठन गरिएको तदर्थ समितिको सदस्यमा कान्तिपुर टेलिभिजनका सुनसरी संवाददाता अर्जुन सुबेदी, मोरङ संवाददाता सुशीला पाठक, मकालु टेलिभिजन विराटनगरका अभय कुमार राई, सतिष राजवंशी, थाह खबरका इलाम संवाददाता नमिन ढकाल, विराटनगर संवाददाता सुजाता लिम्बु, नागरिक दैनिक विराटनगरका चुमन बस्नेत, सृष्टि दैनिक विराटनगरका अनुज सापकोटा, धिरज दाहाल रहेका छन् ।
यस्तै समितिको सदस्यमा नेपाल टेलिभिजन इटहरीकी भूमिका पाख्रिन, वेस्ट खबर सुनसरीका प्रकाश बञ्जरा, दर्शन दैनिक विराटनगरकी चीना थापा, अन्नपूर्ण पोस्ट विराटनगरका किशोर बुढाथोकी, रासस विराटनगरका मनोज दाहाल रहेका छन् । खेलकुदको उर्वर भूमि मानिएको कोसी प्रदेशमा हुने खेलकुदका गतिविधिलाई प्रभावकारी ढङ्गले समाचार सम्प्रेषण गर्न र एकरूपता ल्याउन तदर्थ समिति गठन गरिएको बताइएको छ ।
नवगठित तदर्थ समिति र आगामी दिनमा गठन हुने समितिलाई प्रदेश खेलकुद विकास बोर्डका पूणर्रुपमा आर्थिक र नैतिक सहयोग हुने बोर्डका सदस्य सचिव हंसराज वाग्लेले बताए ।
