इटहरी । कोशी प्रदेश सभाको बैठक भदौ १ गते शुक्रबार बस्ने भएको छ । कोशी प्रदेश सभा सचिवालयले सोमबार बैठक बस्ने सम्बन्धी सूचना जारी गर्दै शुक्रबार दिउँसो १ बजे कोशी प्रदेश सभाहल विराटनगरमा कोशी प्रदेश सभाको तेस्रो अधिवेसनको तेस्रो बैठक बस्ने जनाएको छ ।
प्रदेश सभा सचिवालयका सचिव गोपाल प्रसाद पराजुलीले कोशी प्रदेश सभा नियमावली २०७४को नियम ६ बमोजिम प्रदेश सभा सदस्यहरुलाई प्रदेश सभामा उपस्थित हुन जानकारी गराईएको बताए ।
कोशी प्रदेश सभाको बैठक असार १५ गते देखी सभा स्थगित रहेको थियो ।
