विराटनगर । ताप्लेजुङमा आमाको हत्या आरोपमा छोरा पक्राउ परेका छन् । मैवाखोला गाउँपालिका–५ फाकुम्बाका ३३ वर्षीय डिल्ली कुमार लिम्बुलाई आमाको हत्या गरेको आरोपमा प्रहरीले पक्राउ गरेको हो । लिम्बुले ६३ वर्षीय आमा धनमाया लिम्बुलाई धारिलो हतियार बाम्फोकले प्रहार गर्दा घटनास्थलमा नै मृत्यु भएको प्रदेश प्रहरी कार्यालय विराटनगरले जनाएको छ। हत्या भएको जानकारीको आधारमा प्रहरी चौकी साँघुबाट खटिएको प्रहरी टोलीले लिम्बुलाई नियन्त्रणमा लिएको हो । घटना सम्बन्धमा जिल्ला प्रहरी कार्यालय ताप्लेजुङबाट थप अनुसन्धान भइरहेको जनाइएको छ।
