सुनसरी । सुनसरीको चतरास्थित सप्तकोसी पुलबाट चार दिन देखि बेपत्ता एक डक्टर अझै फेला परेका छैनन् ।
भदौ ११ गते बिहानदेखि बेपत्ता झापाको दमक नगरपालिका-१ निवासी ३२ वर्षीय डा. प्रज्वल कोइराला अझै फेला नपरेका हुन् ।
मदन भण्डारी ट्रमा सेन्टर उर्लाबारीमा कार्यरत उनी सप्तकोसीमा हाम फालेर बेपत्ता भएको प्रहरीको आशङ्का छ । उनको चप्पल र मोबाइल पुलमा फेला परेका छन् ।
पुल छेउमा प्रदेश १-०२-००२ च ४१६६ नम्बरको जिप छाडेर बेपत्ता उनलाई सुरक्षाकर्मीको गोताखोर टोलीले केही दिनयता सप्तकोसीमा खोजी गरेको थियो । नेपाल प्रहरीको टोलीले खोजी जारी राखेको छ ।
परिवारसङ्ग थप सोधपुछ पनि भइरहेको प्रहरीले जनाएको छ ।
नदीमा पानीको बहाव बढी भएकाले खोजी गर्न समस्या भएको बताइएको छ ।