सुनसरी । इटहरी उपमहानगरपालिकाकी एक महिलाको धरानमा हत्या भएको छ । इटहरी उपमहानगरपालिका २ बस्ने ४४ बर्षिय यसोदा श्रेष्ठको धरानमा हत्या भएको हो ।
हत्या गरिएको अवस्थामा उनको शव भेटिएको इलाका प्रहरी कार्यालय धरानले जनाएको छ । हत्यामा संलग्न रामेछाप घर भई सुनसरीको धरान १७ बस्दै आएका टेकबहादुर दर्जीलाई प्रहरीले पक्राउ गरेको सुनसरीका प्रहरी प्रमुख एसपी प्रभु प्रसाद ढकालले जानकारी दिए ।
दर्जीले यसोदाको हत्या गरी शव जंगलमा फाल्न लैजाँदै गर्दा स्थानियले देखेपछि प्रहरीलाई खवर गरेका थिए ।
यसोदा बुधबार माइत जान्छु भनेर इटहरी घरबाट हिँडेकी थिइन । यसोदा र दर्जीबीच लेनदेनको कारोबार रहेको र त्यसैमा विवाद हुँदा हत्या गरिएको बुझिएको छ । हत्यामा सम्लग्न दर्जीलाइ पक्राउ गरी घटनाको अनुसन्धान सुरु गरिएको सुनसरीका एसपी प्रभु प्रसाद ढकालले जानकारी दिए ।।
