सुनसरी । इटहरीमा जङ्गली हात्तीको आक्रमणबाट एक युवकको मृत्यु भएको छ ।
इटहरीस्थित चारकोशे झाडीबाट निस्किएका हात्तीको आक्रमणबाट इटहरी उपमहानगरपालिका २ का रविन खड्काको मृत्यु भएको हो । गयराती साढे ९ बजे जंगलक्षेत्रबाट बस्तीमा छिरेका हात्तीको बथान धपाउने क्रममा खड्कालाई हात्तीले आक्रमण गरेको प्रहरीले जनाएको छ ।
चार दिनयता इटहरी १९, २०, २ र ३ नम्बर वडामा राती दैनिक हात्तीको बथान आउने गरेको छन् ।
हात्तीको बथान धपाउन ठुलो सङ्ख्यामा स्थानीय भेला हुने गरेका छन् ।
सोही क्रममा गयराती खड्कालाई हात्तीले आक्रमण गरेको इलाका प्रहरी कार्यालय इटहरीले जनाएको छ ।