सुनसरी - बुढी खोलामा आएको बाढीमा परी एक जनाको मृत्यु भएको छ भने तीन जना बेपत्ता भएका छन् । बिहानै देखी परेको भारी वर्षाको कारण बुढी खोलामा आएको बाढीले सुन्दरहरैचा ५ का स्थानीय ४ जनालाई बगाएको हो ।
ती मध्ये एक जनाको शव फेला परेको इलाका प्रहरी कार्यालय इटहरीका प्रहरी नायब उपरीक्षक टेक बहादुर कार्कीले जानकारी दिए । प्रहरीको टोली घटनास्थल पुगेर उद्धारको काममा जुटिसकेको कार्कीले बताए । मृतक तथा बेपत्ताको पहिचान खुलिनसकेको कार्कीले बताए ।
यसैबिच जल तथा मौसम विभागले आज बिहान ११ बजेदेखीनै उक्त खोलामा पानीको बहाव उच्च भएकाले सतर्कता अपनाउन टटिय क्षेत्रका बासिन्दासँग आग्रह गरेको छ । दिउसो ३ बजेसम्म खोलामा बहाव उच्च रहने भन्दै एसएमएस सन्देश मार्फत विभागले सतर्क रहन आग्रह गरेको हो ।
