सुनसरी । धनकुटाको लेगुवा स्थित राम बजारमा गए राती भएको आगलागीमा तीन घर जलेर नष्ट भएका छन् ।
शनिवार बिहान एक बजे सुरु भएको आगलागीबाट धनकुटाको महालक्ष्मी नगरपालिका ५ लेगुवाका मोहन भण्डारी, तेजबहादुर भुजेल र बद्री बर्देवाको घर जलेर नष्ट भएको हो । आगो स्थानीय मोहन भण्डारीको घरबाट सुरु भएको थियो ।
स्थानीय र प्रहरीको सक्रियतामा आगो नियन्त्रणमा आएको धनकुटाका प्रहरी नायव उपरीक्षक राजबाबु महर्जनले जानकारी दिनुभयो । आगलागीबाट ६६ लाख रुपैयाँ बराबरको धनमाल नष्ट भएको प्रहरीको प्रारम्भिक अनुमान छ ।
