सुनसरी । लोकगायक एलपी जोशीको निधन भएको छ । ८८ वर्षका गायक जोशीको बिर्तामोडस्थित अस्पताल लैजाँदै गर्दा बिहीबार साँझ झापामा निधन भएको हो ।
परिवार स्रोतका अनुसार जोशी बेलुकीको खाना खाए पछि अकस्मात् बेहोस हुनु भएको थियो । अस्पताल पुर्याए लगत्तै उहाँलाई चिकित्सकले मृत घोषणा गरेका हुन् ।
गायक जोशीका रिटिङ रिटिङ नबजाउ बिनायो, वल्लो खोलो हो पल्लो खोलो कमिलाको गोलो भनेर..., निगालो घारीमा च्याखुरा नाच्यो, कान्छी मट्याङमट्याङ् र खिपीमा खिपी बिनायो बाजाजस्ता गीतहरू चर्चित छन् ।
