सुनसरी - सुनसरी प्रहरीले हवाई फायर गरी भारतीय नम्बर प्लेटको कारबाट एक सय किलो लागु औषध गाँजा बरामद गरेको छ । मङ्गलवार दिउसो धरानबाट प्रहरीले भारतीय नम्बर प्लेटको ध्द्यठद्धक्द्दछघज्ञ नम्बरको कारमा लोड गरिएको गाँजा बरामद गर्न चाइनिज पेस्तोलबाट १ राउन्ड हवाई फायर गरेको जनाएको छ ।
धरान १५ स्थित श्याम चोकबाट पानबारी जाने सेउती पुलमा गस्तीमा रहेको प्रहरीलाई छलेर भाग्न खोज्दा हवाई फायर गरी गाँजा लोड गरिएको कार नियन्त्रणमा लिनुपरेको जिल्ला प्रहरी कार्यालय सुनसरीका प्रहरी नायब उपरीक्षक नबिन कृष्ण भण्डारीले जानकारी दिए । उक्त भारतीय नम्बरको कारलाई रोक्ने प्रयास गर्दा नरोकी तीव्र गतिमा अघि बढेको र पछ्याउँदै जाँदा करिब ३५ मिटर पर कार छाडि चालक जङ्गलतर्फ भागेको भण्डारीले जानकारी दिए ।
उक्त कार चेकजाँच गर्दा कारभित्र प्लास्टिकको ५ वटा बोरामा एक सय केजी अवैध लागू औषध गाँजा बरामद गरिएको भण्डारीले जानकारी दिए । कार चालक फरार रहेकाले खोजी कार्य भइरहेको र घटनाको थप अनुसन्धान सुरु गरेको भण्डारीले बताए ।
