झापा । झापामा हात्ती आक्रमणबाट एक व्यक्तिको मृत्यु भएको छ ।
हल्दिबारी गाउँपालिका वडा नं.३ स्थित रणकाली सामुदायिक जंगलमा घाँस काटी फर्कने क्रममा सोही स्थानका करिब ६० वर्षका वाङदी गुरुङको बिहीबार बिहान हात्ती आक्रमणमा परी ज्यान गएको जिल्ला प्रहरी कार्यालय झापाले जनाएको छ ।
८/१० वटाको संख्यामा रहेका हात्तीले गुरुङलाई लखेटेर लतारपछार पारेको प्रत्यक्षदर्शीलाई उद्धृत गर्दै प्रहरीले जनाएको छ ।
