सुनसरी । इटहरी ६ निवासी २३ वर्षीय नयन गुरुङको ललितपुरमा हत्या भएको छ ।
इटहरी घर भई ललितपुर सात दोबाटो बस्दै आएका गुरुङको हत्याको अभियोगमा प्रहरीले एक जनालाई पक्राउ गरेको छ ।
पक्राउ पर्नेमा ललितपुर महानगरपालिका-९ च्यानलस्थित टाउन अफ क्याफेका कामदार डडेलधुरा घर भई ललितपुर महानगरपालिका-९ च्यासल बस्ने २६ वर्षीय हेमराज भट्ट रहेका छन् ।
उनलाई सोमबार राति प्रहरीले पक्राउ गरेको हो । भट्टले सोही क्याफेमा पुगेका नयनलाई विवादको क्रममा चक्कु प्रहार गरेका थिए । चक्कु प्रहार गर्दा गम्भीर घाइते भएका नयनको बिएण्डबि अस्पताल ग्वार्कोमा उपचारको क्रममा मृत्यु भएको थियो ।
थप अनुसन्धानको लागि क्याफेका सञ्चालक र क्याफेका कुकलाई प्रहरीले नियन्त्रणमा लिएको छ ।
यस सम्बन्धमा प्रहरीले आवश्यक अनुसन्धान गरिरहेको जनाएको छ ।
