सुनसरी । चर्चित वैज्ञानिक डा.महावीर पुन आफ्नो पुस्तक बिक्री गर्दै इटहरी आइपुगेका छन् । आफ्नो आत्मकथा ‘महावीर पुन’ प्रकाशन गरेका पुनले सहर सहरमा पुगेर पुस्तक बिक्री अभियान सञ्चालन गरिरहेका छन् । 

करिब एक महिनासम्म धरानमा पुस्तक बिक्री गरेका पुन सोमबारबाट भने इटहरी झरेका हुन । सोमबार दिउँसो ३ बजे देखी इटहरी उपमहानगरपालिकामा पुस्तक बिक्री सुरु गरेको उनले जानकारी दिएका छन् । 

अब एक हप्ता इटहरीमा बसेर पुस्तक बिक्री गरिने पुनले फेसबुक मार्फत जानकारी दिएका छन् । उनले फेसबुकका एक सूचना लेख्दै एक हप्ता सम्म पुस्तक विक्रीको समय मिलाइसकेको उल्लेख गरेका छन् । 

पुस्तक किन्न चाहने विभिन्न स्कुल, कलेज, सङ्घसंस्था लगायतलाई सम्पर्क गर्न भन्दै सम्पर्क नम्बर पनि फेसबुकमा पुनले राखेका छन् । 
पुन इटहरीमा आए लगत्तै विभिन्न व्यक्तिहरूले उनलाई स्वागत गर्दै पुस्तक किनेर सामाजिक सञ्जालमा हाल्ने थालेका छन् । 

स्वतन्त्र नागरिक समाज इटहरीले इटहरीमा पुस्तक बिक्रीको सहजीकरण गरिरहेको इटहरी नगर संयोजक डेरराज गुरुङले जानकारी दिए । मङ्गलवार बिहानैबाट पुस्तक बिक्री सुरु भएको उनले बताए । बिहान इटहरीको सङ्गीत चौक आसपास सहित केही इन्सिच्युटहरुमा पुगेर पुस्तक विक्री गरेको संयोजक गुरुङले जानकारी दिए । 

इटहरीमा पनि उत्साहजनक रूपमा पुस्तक बिक्री भइरहेको उनले बताए । विभिन्न स्कुल कलेजहरूले फोन सम्पर्क गर्दै बोलाउन थालेको गुरुङले बताए । विद्यालय, कलेजलाई प्राथमिकतामा राखेर त्यसपछि बजार क्षेत्रमा पुस्तक बिक्री गरिने उनले बताए । 

मङ्गलवार दिनभर इटहरीको मुख्य चोक देखी उत्तर तर्फको सार्वजनिक शौचालय आसपास रहेर बिक्री गरिने उनले बताए । 
एक महिना धरान बसेका महावीर पुनको पुस्तक करिब १ करोड माथिको पुस्तक बिक्री भएको थियो । 
481249832_2626532164202792_5676939502376865228_n