सुनसरी । रोटरी डिस्ट्रिक्ट ३२९२ ले नेपालका ७ प्रदेशमा ‘पोलियो अब अन्त्य गरौँ’ अभियान अन्तर्गत इटहरीमा कार र्याली निकालिएको छ ।
रोटरी क्लब अफ इटहरीको आयोजनामा निकालिएको र्यालीले बजारको विभिन्न क्षेत्र परिक्रमा गरेको थियो । रोटरीले वार्षिक रूपमा अक्टोबर २४ तारिखलाई पोलियो दिवसका रूपमा मनाउँदै विश्वव्यापी रूपमा जनचेतना फैलाउन विभिन्न गतिविधिहरू गर्दै आइरहेको सन्दर्भमा बिहीबार इटहरीमा कार र्याली निकालिएको हो ।
क्लबले काठमाडौँ उपत्यका सहित ७ प्रदेशमा ‘पोलियो अब अन्त्य गरौँ’ विशेष अभियान सञ्चालन गरिरहेको जनाएको छ ।
नेपालमा आधिकारिक रूपमा पोलियोका बिरामी नभए पनि सचेत बनिरहनुपर्छ भन्ने सन्देश दिन जनचेतनामूलक कार र्याली निकालिएको रोटरी क्लब अफ इटहरीले जनाएको छ ।
