सनुसरी । विश्व कविता दिवसको अवसरमा सुनसरीको इटहरीमा एक दर्जन बढि कविता वाचन गरिएको छ ।
इटहरी ६ स्थित तायरिप्ची भवनमा शब्द प्रवाहको आयोजनामा प्रसिद्ध कवि जसराज किराँतीले लेखेका कविताहरु कोशी प्रदेशका प्रख्यात विभिन्न कविहरुले वाचन गरेका हुन ।
कवि जसराज किराँतीले टेम्के, परशु र म, कवि हेमन यात्रीले तिमी र म,कवि टिका आत्रेयले मनका कुराहरु, कवि मुकुन्द प्रयासले मेरा प्रदेशको कुरा, डा.अस्मिता विष्टले मेरो जन्मदिन, कवि धिरज राईले हिउँ भन्दा चिसो, कवि प्रदिप मेन्याङ्वोले पहाडकी केटी लगायतका कविहरुले कविता वाचन गरेका थिए ।
८० बर्षिय कवि किराँतीले विभिन्न समयमा लेखेका कविताहरु आज विभिन्न १५ जना कविहरुले वाचन गरेका थिए ।
कार्यक्रममा कवि जसराज किराँतीलाई विशेष सम्मान पनि गरिएको थियो । प्रमुख अतिथि प्रख्यात गितकार शिव शंकर थापाले कवि किराँतीलाई सम्मान पत्र प्रदान गरेका थिए । प्रमुख अतिथि थापाले किराँती र उनकी धर्मपत्नीलाई दुबोको माला लगाएर सम्मान व्यक्त गरेका थिए ।
शब्द प्रवाहका अध्यक्ष बद्रि भिकारीले शब्दप्रवाह मार्फत कला साहित्यको विकासका लागि यस किसिमको कार्यक्रम सुरु गरिएको जानकारी दिए । सोही अनुसार शब्दप्रवाह श्रृङ्खला १ सुरु गरिएको उनले स्पष्ट पारे ।
कार्यक्रममा कवि जसराज किराँतीका कविता वाचन गरेका कविहरुले उहाँकै अघि उहाँकै कविता वाचन गर्न पाउँदा खुसी लागेको बताए । वहाँका कविताले नेपाली साहित्यमा महत्वपूर्ण योगदान पुर्याएको बताए ।
