सुनसरी - इटहरीमा स्व. कृष्णप्रसाद भट्टराई स्मृति गोल्ड कप फुटबल प्रतियोगिता हुने भएको छ ।
आगामी माघ १३ गतेदेखि इटहरी ५ स्थित जनता बहुमुखी क्याम्पसको खेल मैदानमा गोल्ड कप हुने आयोजक द योङ्ग बद्र्रस क्लबले शुक्रवार पत्रकार सम्मेलन गरी जानकारी दिएको छ ।
प्रतियोगितामा कोसी प्रदेशका आठ वटा टिम सहभागी हुने क्लबका संरक्षक विकास केसीले जानकारी दिए । प्रतियोगिताको विजेताले नगद दुई लाख ११ हजार र उपबिजेताले नगद एक लाख ११ हजार सहित ट्रफी प्राप्त गर्नेछन् ।
प्रतियोगिताको सर्वोत्कृष्ट खेलाडीले नगद १५ हजार पाउँदा बिधगत उत्कृष्टले नगद १० हजार प्राप्त गर्ने आयोजक क्लबका अध्यक्ष विजय सुब्बाले जानकारी दिए ।
एक सातासम्म चल्ने प्रतियोगिता सम्पन्न गर्न कूल २० लाख रुपैयाँ खर्च हुने अनुमान गरिएको क्लबका अध्यक्ष सुब्बाले जानकारी दिए ।
