सुनसरी । इटहरीमा दोस्रो मेयर कप अन्तर पालिका टी २० क्रिकेट प्रतियोगिताको तयारी सुरु गरिएको छ ।
इटहरी ९ स्थित जनता क्रिकेट पार्कमा आयोजना हुन लागेको दोस्रो सिजनको क्रिकेट प्रतियोगिताको तयारी तीव्र पारिएको छ । प्रतियोगिताको आयोजक सेभेनस्टार क्लबले अहिले मैदान र पिच निर्माणलाई प्राथमिकता दिइरहेको जनाएको छ ।
इटहरी उपमहानगरपालिकाले संयोजन गर्न लागेको प्रतियोगिताबारे थप जानकारी आयोजकले केही दिनभित्रै पत्रकार सम्मेलन मार्फत सार्वजनिक गर्ने तयारी गरिरहेको जनाएको छ ।
यसअघि पहिलो सिजन २०७५ मा सम्पन्न भएको थियो ।
पहिलो संस्करणको उपाधि विराटनगर महानगरपालिकाले जितेको थियो । इटहरी उपमहानगरपालिका उपविजेता बनेका थिए ।
