सुनसरी । खोटाङमा चट्याङ लागेर एक बालिका मृत्यु भएको छ । खोटाङको केपिलासगढी गाउँपालिका–७ सुङ्देल गुल्टेनकी ४५ वर्षीया दिलकुमारी राईको चट्याङ लागेर मृत्यु भएको प्रहरीले जनाएको छ ।
आज बिहान ४ बजे चट्याङ लाग्दा राईको घटनास्थलमै मृत्यु भएको जिल्ला प्रहरी कार्यालयका प्रमुख प्रहरी नायब उपरीक्षक प्रतीक विष्टले बताए ।
यस्तै, दिक्तेल रुपाकोट मझुवागढी नगरपालिका–१५ विजयखर्क बसेरिकी २१ महिने शिशु अनुसोया पोखरेलको बार्दलीबाट लडेर मृत्यु भएको छ ।
घरको बार्दलीबाट लडेर गम्भीर घाइते भएकी २१ महिने शिशुको उपचारका लागि काठमाडौँ लाने क्रममा बाटोमै मृत्यु भएको प्रहरी नायब उपरीक्षक विष्टले जानकारी दिए ।
