सुनसरी । दोस्रो संस्करणको इटहरी मेयरकप अन्तरपालिका स्तरीय क्रिकेट प्रतियोगिता बिहिबारदेखी हुने भएको छ ।
इटहरी उपमहानगरपालिकाले संयोजन गरेको प्रतियोगिता १० दिनसम्म चल्ने आयोजक सेभेनस्टार क्लबले मंगलबार पत्रकार सम्मेलन मार्फत जानकारी गराएको छ ।
इटहरी ९ स्थित जनता क्रिकेट खेल मैदानमा हुने प्रतियोगितामा झापा, मोरङ, सुनसरी उदयपुर र धनकुटा जिल्लाका १८ वटा पालिकाको टिमहरुले सहभागिता जनाउने छन ।
प्रतियोगिताको बिजेताले नगद १ लाख रुपैया र टफी पाउनेछ । उपबिजेता टिमले नगद ५० हजार पाउने आयोजकले जनाएको छ ।
प्रतियोगिताकोको सर्वोत्कृष्ट खेलाडीलाई नगद ७ हजार प्रदान गरिने र उत्कृष्ट क्याटर र बलरलाई जनही चार चार हजार रुपैया प्रदान गरिने कार्यक्रम संयोजक सीपी पौडेलले बताए ।
प्रत्येक खेलको म्यानफद म्याचले नगद १ हजार ५ सय रुपैया पाउने छन । प्रतियोगिता सम्पन्न गर्न कुल १९ लाख ४० हजार ५ सय रुपैया खर्च लाग्ने अनुमान गरिएको आयोजकले जनाएको छ ।
गत संस्करणको उपाधी बिराटनगर महानगरपालिकाले जितेको थियो ।
