सुनसरी । पाँचौँ मेचीनगर गोल्डकप प्रतियोगिताको चर्च बोइज यूनाइटेड च्याम्पियन बनेको छ ।
आयोजक काकरभिट्टा फुटबल ट्रेनिङ सेन्टरलाई १(० गोल अन्तरले पराजित गरी उपाधि चुमेको हो ।
उसले नगद १० हजार रुपैयाँ र ट्र्फी हात पारेको छ । काकरभिट्टाले नगद ५ हजार रुपैयाँमा नै चित्त बुझाएको छ । झापाको काकरभिट्टा माविको खेल मैदानमा भएको खेलमा चर्च बोइजका समीर तामागंले ४० यार्डबाट एक्लै ३ डिफेन्डरलाई छक्काएर ११ औँ मिनटमा गोल गरे । दोस्रो हाफमा आयोजक काकरभिट्टाले आक्रमणको प्रयास राम्रो बुने पनि गोल गर्न नसक्दा हार बेहोर्नु पर्यो ।
प्रतियोगिताको सर्वोत्कृष्ट खेलाडी काकरभिट्टाका खमिर गिल्सन कन्दगंवा भएका छन् उनले नगद ५१ हजार हात पारेका छन् । काकरभिट्टाका दिवस उराउ उकृष्ट डिफेन्डर भएका छन् । उत्कृष्ट गोल किपर चर्चका टेकेन्द्रसिग थापा, उत्कृष्ट प्रशिक्षक चर्चका सुमन श्रेष्ठ, चर्च कै ३ गोल गरेका अवोयुमी फुल्केन उच्च गोलकर्ता भएका छन् । उनीहरूले जनही नगद २१ हजार रुपैयाँ हात पारेका छन् भने ।
इमर्जिगं प्लेयर काकरभिट्टाका पर्शु राई भएका छन् । उनले नगद १५ हजार रुपैयाँ हात पारेका छन् भने आजको प्लेयर अफ दि म्याच चर्चका समीर तामागं भएका छन् । उनले नगद ११ हजार रुपैयाँ हात पारेका छन् ।
प्रतियोगिता चैत्र २४ गतेबाट सञ्चालन भएको हो । भारतको दुई र नेपालको ६ गरी प्रतियोगितामा ८ टिमले सहभागीता जनाएका थिए ।
